資訊安全常見問題
1. Planto點樣儲存個人資料？
你嘅敏感個人資料（銀行身份認證、手機pin碼），全部只會儲存喺你嘅個人手機。我哋喺任何時候、任何情況下，都無權限去存取呢啲專屬於你嘅個人資料。
2. Planto點樣儲存財務數據？
Planto十分重視用戶個人私隱，所有財務數據 (開支紀錄，投資，貸款，按揭)一律使用嚴格技術加密，儲存於Google及亞馬遜數據中心。
3. Planto點確保我嘅財務數據安全？
Planto採用AES-256加密技術，確保所有用戶嘅財務數據，都經過加密及匿名化處理，令數據存取受到嚴格限制。我哋系統定期由獨立第三方進行審核，確保保安滴水不漏。
4. Planto支援生物認證嗎？
當然支援。所有儲存於手機嘅登入認證及資料，都必須要有生物認證及/或pin碼才會被解密，因此你可以全權控制賬戶嘅存取。
5. 如果我唔見咗手機點算？
只有你先可以用pin碼及生物認證登入賬戶，就算你遺失手機，其他人都無法進入你嘅Planto賬戶。如果你想刪除賬戶，請即時通知我哋，Planto會刪除你嘅賬戶及所有財務數據。
6. Planto會否經第三方連結我嘅銀行戶口？
整合銀行資料過程唔會有任何第三方參與。Planto採用嘅技術，由我哋專業嘅軟件工程師團隊研發，確保我哋能全權控制保安，並於用戶提出要求及關注時迅速回應。為確保我哋嘅技術安全可靠，一間頂尖嘅資訊安全公司會定期審查我哋嘅資訊科技基建。
7. 銀行有冇授權Planto獲取我嘅資料？
Planto與香港任何銀行都沒有關連或夥伴協議。用戶嘅理財數據係通過 screen scraping 方式收集——用戶輸入銀行登入認證（包括一次性密碼及雙重認證等），並同意系統從銀行嘅平台收集交易記錄。呢種方法為全球多個平台採用，整合數以千計銀行數據，服務數以百萬計顧客。Planto唔會儲存用戶嘅敏感個人資料，只會取得於應用程式顯示及私隱政策提及嘅數據。Planto採用自家研發嘅屏幕抓取技術，確保做到最安全，你嘅資料絕對唔會於未經你同意下向第三方披露。
8. Planto支援雙重認證嗎？
Planto支援多種身份認證方法，包括雙重認證（2FA）、代碼（token）及手機身份驗證，現時適用於𣾀豐、渣打、中銀香港、工銀亞洲及星展銀行，日後越來越多銀行嘅客戶都可用到。
